جدي كان دكتور بالجامعه وبرضوا شيخ .. حفظه الله
وزمان ما ادري قبل كم سنه بس اكثر من 20 سنه
راح جدي ومعاه اصحابه .. ومنهم هذا عائد ، راحوا يدعون الى الاسلام
وكانت السفره الى المانيا .
وشيء مو غريب عليهم لانهم كانوا يروحون لكذا بلد وراحوا لبلدان عدييده
بعد ماخلصوا من الدعوه وبيرجعون للسعوديه بلاد الحرمين
قال عايد : انتم ارجعوا وانا بلحقكم
وأصروا انه يرجع معهم وهو رفض وقال ارجعوا وانا الحقكم
كان طلب غريب ولكن رضخوا له ورجعوا دون صاحبهم عايد
مرت الشهور واهله يتصلون عليه ويقول بجي بجي ان شاء الله
وللأسف ولدت انا وكبرت وعايد لسى مارجع ...
وامه تحلف بالله انها يوم تصحى الصباح " وسادتها " مبلله من دموعها .
محروقه على ولدها وفلذة كبدهاا
كبرت امه وابوه واخوانه وجدي تقاعد واصحابه بعد تقاعدوا
وعايد لسى مارجع !
والمفجع انه تزوج المانيه وانجب منها أطفال
وابوه مرض ويوم كان على فراش الموت أمر ابنائه " اخوان عايد "
ان يروحون لالمانيا ويقتلون اخوهم !!
توفى الابو وهذه كانت وصيته ..
بس مانفذوها طبعا لان ممكن يكون اسم على مسمى " عااايد "

والكل شاك بإنه مسحور .... انا من طلعت ع الدنيا وانا اسمع اهلي يحكون عنه..وسمعت انه يتصل ع اهله ويحلف بانه يوصل للمطااار خلاص بيرجع للسعوديه
بس فيه شيء يرجعه لبيته ><
وادعو انه يرجع لارض الوطن ويجعل امه تسامحه قبل لاترحل
وهذا عاايد رجال شايب .. ولكن اللي سواه حتى المراهق استبعد انه يسويها !
حتى غير رقم جواله وغير العنوان !!
الحمدلله الذي عافانا مما ابتلاه وفضلنا على كثيرا من خلقه تفضيلا ..
احذروا اذا كان لكم احد في الغربه احذذروا انكم تخلونه يتجاوز حده
ويبقى مده طويله .. بل راقبوهم وزوروهم لو قدرتوا ...

والقصه يشهد ربي انها حقيقيه واشتهرت حيـــل ....

يعطيك العافية