قصة امي معي انا وخواتي
جابت امي ثلاث بنات وراء بعض اختي ثم انا وبعدها اختي الثالثة وابتداءا الكلام من حولها ام البنات وما راح تجيب غير بنات وجابت الرابعة والخامسة والسادسة والسابعة و صارت امي ماتحب تطلعنا معها خوف من كلام الناس ونظرة الشفقة لها لانها ام لسبع بنات
صارت انطوائية وانسانة حساسة بسبب اعتقاد بعض المتخلفين وتفكيرهم الرجعي بالبنات
فكانت اذا اجتمعت مع اخواتها اللي هم خالتي يتكلمون عن هم بناتهم وطلباتهم اللي ماتخلص للعلم ان كل وحدة فيهم عندها بنتين او بنت وحدة فكنت اشوف الصمت منها وهم كأنهم يقولون لها كيف متحملة طلبات اللي عندك
كرهت تفكيرهم وتفاخرهم بالاولاد وكأن هالشي بيدهم او بقدرتهم والعياذ بالله
امي الام الحنونة اللي فعلن عانت معنا نظرن لظروفنا المادية الضعيفة فكانت تبدينا على نفسها واللي يعطيها الوالد تصرفة علينا وتحاول بشتى الطرق ماتخلينا نحزن رغم اني كنت اشوف الحزن بعيونها و وصبرها لظروفنا وخوفها من همومنا
و اشوف تحملها لكلام اخواتها وعماتي
لاانسى مكالمة بنت خالتي لاختي الكبيرة وهي تقول لها حظك جبتي ولد فاانا رزقت ببنت شكلي بطلع على امك وحديث بنت خالتي الاخرى لامها انا بطلع على اختك عشان كذا عندي بنتين وتفاخر خالي بااولادة وانه مايبي بنات و..... و....... والكثير من الكلام المؤثر معنويا
كرهت حديثهم الغبي فانا ماكنت الوم خالاتي وعماتي احترام لامي ثم تقدير لسنهم الكبير لكن حديث بناتهم المتعلمات !!!!!! اي عصر صرنا ومازال هناك مقارنة بين البنت والولد وتفضيل
بين ام الولد وام البنت وش كثر كرهت هالتفرقة لانها اثرت باامي كثير وخلتها احيان تقسى علينا كرهت هالتفرقة اللي خلت امي تحس بيوم من الايام انها تعيسة واقل حظ من خواتها لوجودنا في حياتها
فكانت تردد كثير عبارة ام البنات همها للممات كنت اضحك على هالعبارة واحزن
اضحك لان معها حق فاحيان تزيد طلباتي انا واخواتي عليها وهي مابيدها شي
واحزن لان صرنا لها هم وبنبقى لها هم............
اتمنى اعوضها عن كل حرمان وحزن عاشته بسببنا
واتمنى اسعدها كثر ماسعدتنا وصبرت وحمدت الله علينا
فاامي هي الام الحنونة اللي تحملت طفولتنا وشقاوتنا وفرحت بنجاحنا وتفوقنا
امي ياام البنات السبع جعل تنفتح لك ابواب الجنه السبع

منقوووووول

يعطيك العافية